ABŞ hərbçiləri Meksika ərazisinə daxil olub “qadağan zona” elan etdilər

ABŞ ordusunun səhvi iki ölkə arasında qısa müddətli gərginliyə səbəb olub. Amerikan hərbçiləri Meksika sərhədindəki bir çimərliyə səhvən daxil olaraq, əraziyə İngilis və İspan dillərində lövhələr yerləşdiriblər. Lövhələrdə belə yazılıb:

“Bu ərazi Müdafiə Nazirliyinə məxsusdur və komandanın səlahiyyəti ilə qadağan zona elan edilmişdir.”

Hadisədən sonra Meksika Xarici İşlər Nazirliyi dərhal müdaxilə edib və ABŞ hərbçiləri tərəfindən qoyulan 6 xəbərdarlıq lövhəsinin söküldüyünü açıqlayıb.

Vəziyyət sosial mediada geniş müzakirələrə səbəb olub. ABŞ Müdafiə Nazirliyi (Pentaqon) baş verənləri belə şərh edib:

“Buranı yanlışlıqla bağlamışıq.”

Qeyd edək ki, ABŞ Prezidenti Donald Tramp bir neçə ay əvvəl Meksika körfəzinin adının “Amerika Körfəzi” olaraq dəyişdirilməsi barədə göstəriş vermişdi.

Mövsüm,

AzNews.az