Cəlilabadda 37 yaşlı kişi qətlə yetirilib

Cəlilabad rayonunda qətl hadisəsi baş verib.

Aznews.az xəbər verir ki, hadisə Cəlilabad şəhərinin Səttərxan küçəsində qeydə alınıb.

Belə ki, şəhər sakini, 1988-ci il təvəllüdlü Hüseynov Bəhruz Ədalət oğlu ürəyindən bıçaq xəsarəti alıb.

Yaralı rayon mərkəzi xəstəxanasına aparılsa da, onun həyatını xilas etmək mümkün olmayıb.

Hazırda hüquq-mühafizə orqanları tərəfindən araşdırma aparılır.