"Ermənistan" fraksiyası Paşinyana qarşı impiçment prosesinin başlanması üçün 28 imza təqdim edəcək

Ermənistanın "Hayastan" müxalif parlament fraksiyası baş nazir Nikol Paşinyana qarşı impiçment prosesinin başlanması üçün çatışmayan 28 deputat imzasını uyğun müddətdə təmin etməyə hazır olduğunu bəyan edib.

Aznews.az Ermənistan mətbuatına istinadən xəbər verir ki, bu barədə deputat Kristine Vardanyan sosial şəbəkələrdə bildirib.

"Biz "Şərəfim var" fraksiyasından olan həmkarlarımızla müzakirələrə hazırıq", - o yazıb.

İki müxalif fraksiyanın tərkibinə 34 deputat daxildir. Ermənistan qanunvericiliyinə əsasən, impiçment prosesinin başlanması üçün təşəbbüskarlar baş nazir vəzifəsinə öz namizədlərini təklif etməlidirlər. Müraciətə 36 imza olduqda baxıla bilər. Hökumət başçısına etimadsızlıq bildirmək üçün 107 deputatdan ən azı 54-ü impiçmentin lehinə səs verməlidir.

Daha əvvəl müxalif "Şərəfim var" fraksiyası ölkənin baş naziri vəzifəsinə Masis icmasının başçısı David Ambartsumyanın namizədliyini irəli sürüb. Lakin dörd müstəqil deputatdan ikisi artıq bu namizədə qarşı olduqlarını bəyan edib.