Aprel döyüşləri animasiya çarxında - Video

“Seçim hüququ” adlı animasiya çarxı Ermənistan-Azərbaycan, Dağlıq Qarabağ münaqişəsindən bəhs edir. Çarxda öz zabit və əsgər yoldaşları tərəfindən döyülən erməni hərbçisinin Azərbaycan tərəfinə keçməsi barədə qərar qəbul etməsi nəql edilir.

AzNews.az xəbər verir ki, erməni hərbi qüvvələrinin 2016-cı ilin aprel ayında törətdikləri provakasiyalar nəticəsində dinc əhalinin gülləbarana məruz qalması və bütün bunlara Azərbaycan tərəfinin cavabı 3 D qrafikasının köməyi ilə animasiya şəklində göstərilir.

Çarxda mütəmadi olaraq Azərbaycan barədə dezinformaiyalar yayan əsas erməni təbliğatçılarının – Ermənistan Müdafiə Nazirliyinin Mətbuat Xidmətinin rəhbəri Arsrun Ovanisyan və Regnum İnformasiya Agentliyinin baş redaktoru Modest Kolerovun animasiyaları yaradılıb. Bundan başqa erməni işğalı altında olan Azərbaycan tarixinə aid bir neçə abidələr, həmçinin Ağdam Məscidi 3D qrafikasının köməyi ilə yenidən Animasiya formasında bərpa edilib.

Aşağıdakı animasiya çarxında 2016-ci ilin aprel döyuşləri əks olunub.