Cənub bölgəsində yüzlərlə arı ailəsi tələf olub - Video

Cənub bölgəsində gənə xəstəliyi səbəbindən yüzlərlə arı ailəsi tələf olub.

AzNews.az Xezerxeber-ə istinadən xəbər verir ki, bölgənin rütubətli iqlimi bu xəstəliklərin geniş yayılmasına rəvac verib. Arı təsərrüfatlarına dəyən ziyan 30-42 faiz arasında dəyişir. Gənələrin arı yeşiklərinə daraşmalarına qarşı qış mövsümü boyunca aparılan mübarizə üsulları səmərəsiz olub. Xəstəlik törədən gənələrin qarşısını tam alan dərman olmadığından fermerlər narahatdırlar.

Astara Arıçılıq Assosiasiyasının sədri Arif Nəzirov arılar arasında xəstəliyin kəskin hal aldığını, bununla bağlı bütün müvafiq qurumları məlumatlandırdıqlarını bildirdi. Onun sözlərinə görə, vaxtında bu problem həll olunmasa, yenidən kütləvi qırılma halları müşahidə oluna bilər.

Fermerlər bu halın bal istehsalına da təsir edəcəyini bildirirlər. Astara rayonunda 26 min arı ailəsi var. Dağ kəndlərində əksər ailələr arıçılıqla məşğuldur.