- Köhnə - Cəmiyyət
- 28 Fevral 2018 19:08
- 3 954
Rus Pravoslav Kilsəsinin rəhbəri təltif olundu
A |
A |
A
Fevralın 28-də Bilik Fondunun icraçı direktoru Oktay Səmədov Rus Pravoslav Kilsəsinin Bakı və Azərbaycan Yeparxiyasının arxiyepiskopu Aleksandr İşein ilə görüşüb.
AzNews.az Bilik Fondunun mətbuat xidmətinə istinadən xəbər verir ki, görüşdə O.Səmədov Azərbaycanda tolerantlıq ənənələrinin qorunub saxlanması və inkişaf etdirilməsi istiqamətində həyata keçirilən dövlət siyasətinin təbliği ilə bağlı Bilik Fondunun maarifləndirici layihələrində fəal iştirak etdiyinə görə fondun fəxri fərmanını din xadiminə təqdim edib.
Görüşdə, həmçinin Aleksandr Atanın dəstəyi və Bilik Fondunun təşkilatçılığı ilə bu qurumun “Azərbaycan dilini öyrənirik” layihəsi üzrə Bakıdakı “Jen Mironosets” və “Mixail Arxangel” kilsələrində təşkil olunmuş Azərbaycan dili üzrə ödənişsiz təlim kurslarının fəaliyyəti, təlimlərlə yanaşı, digər tədbirlərin təşkili ilə bağlı məsələlər müzakirə edilib, əhalinin dini maarifləndirilməsi istiqamətində birgə tədbirlər ətrafında fikir mübadiləsi aparılıb.
Rus Pravoslav Kilsəsinin rəhbəri Bilik Fondunun maarifləndirici fəaliyyətini yüksək dəyərləndirdiyini və bu qurumun fəxri fərmanına layiq görüldüyünə görə minnətdarlığını bildirib.