Nazirlər kabinetindən dəyişiklik

Nazirlər Kabineti "Azərbaycan Respublikası ərazisində dövlət mühafizəsinə götürülmüş daşınmaz tarix və mədəniyyət abidələrinin əhəmiyyət dərəcələrinə görə bölgüsünün təsdiq edilməsi haqqında" qərarına dəyişiklik edib.

NK-dan APA-ya verilən xəbərə görə, dəyişiklik "Bakı şəhər inzibati ərazi vahidi tərkibində Pirallahı rayonunun yaradılması haqqında" qanunun tətbiqi barədə ölkə prezidentinin sərəncamının icrasını təmin etmək məqsədilə edilib.

Dəyişikliyə əsasən "Ölkə əhəmiyyətli daşınmaz tarix və mədəniyyət abidələrinin Siyahısı"nın "Arxeoloji abidələr" bölməsinin "Xəzər rayonu" hissəsinin 523-cü bəndi çıxarılıb və Pirallahı rayonunun Çilov qəsəbəsinin şimal-şərqində yerləşən orta əsrlərə aid yaşayış yeri 554-1 inventar nömrəsi ilə əlavə edilib.

AzNews.az