- Köhnə - Cəmiyyət
- 29 Aprel 2014 19:01
- 1 879
12 məhbus İrana verildi
![](https://www.aznews.az/storage/photos/imageswefcedfbfg.jpg)
AzNews.az xəbər verir ki, məhbusların təhvil verilməsi İran və Azərbaycan arasında məhbusların mübadiləsi haqqında imzalanmış müqavilə əsasında baş tutub.
İranın Azərbaycandakı səfirliyinin konsulu Möhsün Molayi Trend-ə bildirib ki, son aylarda iki ölkənin münasibətlərində müsbət ab-havanın yaranması, İranın Azərbaycandakı səfirliyinin səyi və Azərbaycan hökumətinin əməkdaşlığı ilə son bir ay ərzində Azərbaycan həbsxanalarında cəza çəkən 34 İran vətəndaşı ölkəyə qaytarılıb və daha 35 nəfərin yaxın bir ay ərzində İrana qaytarılması razılaşdırılıb.
O, qeyd edib ki, bu gün qaytarılan məhbuslardan üçü qadındır.
Konsul onu da əlavə edib ki, hazırda Azərbaycan həbsxanalarında təxminən 150-ə yaxın İran vətəndaşı cəza çəkir. Onların çoxu narkotiklərin satışı və daşınmasına görə həbs olunub.
Qeyd edək ki, ötən həftələr ərzində İranda cəza çəkən 5 Azərbaycan vətəndaşı ölkəmizə qaytarılıb.
AzNews.az