İlham Əliyev məktəb açılışında iştirak etdi - FOTOLAR

Prezident İlham Əliyev Kürdəmirə səfəri çərçivəsində Möhübbət Əzimov adına Atakişili kənd tam orta məktəbinin binasının açılışında iştirak edib.

AzNews.az xəbər verir ki, dövlət başçısı məktəb binasının rəmzi açılışını bildirən lenti kəsi, yaradılan şəraitlə tanış olub.

Təhsil naziri Mikayıl Cabbarov məlumat verib ki, 624 şagird yerlik bu məktəb nazirliyin sifarişi əsasında inşa olunub. İnşaat işlərinə 2014-cü ilin oktyabr ayında başlanılıb və işlərin keyfiyyətlə, həmçinin qısa müddət ərzində yekunlaşdırılması üçün bütün zəruri addımlar atılıb. Ümumi sahəsi 2 min kvadratmetrə yaxındır. Məktəbin ərazisində idman meydançası salınıb. Üç mərtəbədən ibarət bina 53 otaqdan, o cümlədən 26 sinif otağından, linqafon, hərbi, kompyuter otaqlarından, hər biri 2 ədəd olmaqla kimya, fizika, biologiya fənn kabinetlərindən, idman zalından və 156 yerlik yeməkxanadan ibarətdir. Məktəbin 96 yerlik akt zalı da mövcuddur.

Dövləti başçısı təhsilin yüksək səviyyədə aparılması üçün tapşırıq və tövsiyələrini verib.

image description image description image description