Bədənimizi təmizləyən qidalar

Zəncəfil: Zəncəfil tənəffüs sistemindən toksinləri çıxarmağa kömək edən iltihab əleyhinə xüsusiyyətlərə malikdir. Tərkibində kalium, maqnezium, beta-karotin və sink kimi bir çox vitamin və mineral var. Bəzi zəncəfil ekstraktlarının ağciyər xərçəngi hüceyrələrini öldürdüyü də məlumdur. Bitki kimi zəncəfili bir çox yeməklərə əlavə edə və ya zəncəfil çayı şəklində qəbul edə bilərsiniz.

Sarıkök: 'Qızıl ədviyyat' olaraq da tanınan sarıkök həm də iltihab əleyhinə xüsusiyyətləri sayəsində ağciyərlərimizi təmizləməyə kömək edir.

Ənginar: Əgər son vaxtlar yağlı qidalara və spirtə aludə olmusunuzsa, yeməklərinizə bir az parda bişmiş ənginar yarpaqları əlavə etmək bədəninizi normal vəziyyətə gətirmək üçün əla bir yoldur. Ənginar antioksidantlar və liflə doludur. Bu tərəvəz bədəndə yağlı qidaları həzm etməyə kömək edir. Bundan əlavə, ənginar bədəndə toksinlərlə mübarizə aparan qaraciyərin funksiyalarını stimullaşdıraraq onun işini yaxşılaşdırır.

Çuğundur: Sağlamlığına daha tez qovuşmaq istəyənlərə çuğundurdan daha yaxşı qida ola bilməz. Maqnezium, dəmir və C vitamini ilə zəngin olan tərəvəz bu yaxınlarda çoxlu sağlamlıq faydalarına görə super qida kimi qəbul edilib. Çuğundur təkcə dəri, saç və xolesterin səviyyələri üçün əla deyil, həm də qaraciyərin detoksifikasiyasına kömək edir. Faydalarından yararlanmaq üçün salatlara çiy çuğundur əlavə edin və çuğundur şirəsi için.

KƏLƏM: Yalnız arıqlamaq üçün deyil, həm də bədəni toksinlərdən təmizləyən əla qidadır. Kələmdə orqanizmi toksinlərdən təmizləyən sulforafan adlı kimyəvi maddə var. Kələm bədəni glutatyonla təmin edir. Bu tərəvəz qaraciyərin detoks funksiyasını yaxşılaşdırmağa kömək edən bir antioksidandır.

TƏZƏ MEYVƏLƏR: Təzə meyvələr vitaminlər, minerallar, antioksidantlar və lif baxımından zəngindir. Aşağı kalorili olduğundan detoks pəhrizinin vacib hissəsidir. Daha iti gözlər və parıaq dəri, gözəl saçlara sahib olmaq istəyirsinizsə, meyvə qəbulunu artırın. Pəhrizinizə meyvə əlavə edin, günə təzə meyvə salatı ilə başlayın. Gün ərzində meyvə dilimləri atışdırın.

Qəhvəyi düyü: Orqanizminizi təmizləmək və sağlamlığınızı yaxşılaşdırmaq istəyirsinizsə, işlənmiş qidaları azaltmanız yaxşı olar. Bunun əvəzinə pəhrizinizə B vitaminləri, maqnezium, manqan və fosforla zəngin olan qəhvəyi düyü daxil edin. Qəhvəyi düyü qalın bağırsağı təmizləmək üçün yaxşı liflə zəngindir və qaraciyəri qorumaqla yanaşı dərini gözəlləşdirir. Çünki tərkibində həm də selenl var.

Nuray

AzNews.az