ABŞ-də beyin yeyən amöbə yoluxan şəxs ölüb

ABŞ-nin Florida ştatında bir nəfər beyin yeyən amöbə yoluxduqdan sonra ölüb.

Mütəxəssislər qurbanın burun sinuslarını kran suyu ilə yuduqdan sonra buna yoluxduğunu açıqlayıb.

Xalq arasında beyin yeyən amöb kimi tanınan "Naegleria fowleri" beyni burun vasitəsilə yoluxdurur.

Rəsmilər krandan su içməyin təhlükəli olmadığını deyirlər.

Amöb adətən üzgüçülük hovuzları, göllər və gölməçələr kimi isti şirin sularda yaşayır.