"Azərbaycan düşməni yaxın vaxtlarda cəzalandıracaq" - Ekspert

“Azərbaycan müharibədə qalib gələn tərəfdir və əlbəttə ki, şərtlər bizim istəyimiz çərçivəsində həyata keçirilməlidir”.

Bunu AzNews.az-a açıqlamasında politoloq Zaur Məmmədov deyib.

O bildirib ki, üçtərəfli bəyanatın imzalanmasından sonra Ermənistanın mərhələli şəkildə vaxt uzatması fonunda Azərbaycan lazım olan bir çox məqsədlərinə çatdı:

“Laçın rayonunda keçid məntəqəsinin açılması, Azərbaycan-Ermənistan sərhədlərində lazımı yüksəkliklərdə bayrağımızın qaldırılması, danışıqlar prosesində mövqeyimizin gücləndirilməsi uğurlarımızdan bəziləridir”.

Ekspert qeyd edib ki, son 2-3 ayda Qərbin Qarabağı Azərbaycan ərazisi kimi tanıması ilə bağlı konkret çıxışlar, Nikol Paşinyanın Brüssel görüşündəki etirafı Azərbaycanın öz mövqelərini gücləndirməsinin göstəricisidir:

“Hazırda Ermənistan üçün son şansdır və Ermənistanın bu şansdan necə istifadə edib etməyəcəyini bölgədəki növbəti proseslər göstərəcək. Azərbaycan diplomatik və hərbi sahədə manevrlər edərək düşməni yaxın vaxtlarda cəzalandıracaq”.

Rəşid Qarayev