Azərbaycanın şimal-qərb bölgəsinə 30 sm qar yağdı

Artıq iki gündür ki, yüksək dağlıq ərazilərə və dağ ətəyi kəndlərə qar yağır.

Azərbaycanın şimal-qərb bölgəsinə 30 sm qar yağıb.

Son günlər ölkənin şimal-qərb bölgəsində qeyri-sabit hava şəraiti hökm sürür. Havanın hərarəti düzənliklərdə müsbət 4-0 dərəcəyə, dağlıq ərazilərdə isə mənfi 3-4 dərəcəyə qədər aşağı düşüb. Artıq iki gündür ki, yüksək dağlıq ərazilərə və dağ ətəyi kəndlərə qar yağır.

Zaqatalanın dağ kəndlərində qarın hündürlüyü 5-10 sm təşkil edir.

Bölgədə ən çox qar Qax rayonun Sarıbaş və İlisu kəndlərinə yağıb. Bu kəndlərdə qarın hündürlüyü 30-40 sm-dir.

Mütəxəssislərin dediyinə görə, mart ayının sonunda havaların belə soyuq keçməsi erkən çiçəkləyən meyvə ağaclarında məhsuldarlığın aşağı düşməsinə səbəb olacaq. (ONA)