Kondoliza Rays televiziyada müxbir işləyəcək

Amerika Birləşmiş Ştatlarının keçmiş dövlət katibi Kondoliza Rays CBS News telekanalında işləyəcək

İlkin məlumata görə, Kondoliza Rays həm də telekanalın rəhbəri Devid Rodsun köməkçisi olacaq.

AzNews.az-ın xarici mətbuata istinadən verdiyi xəbərə görə, xanım Rays telekanalın analitika verilişləri şöbəsinin direktoru olmaqla yanaşı, bəzən telekanalın müxbiri kimi də fəaliyyət göstərəcək.

Şirkət işçiləri Kondoliza Raysın teelviziyaya gəlməsinə çox sevinirlər. Onların fikrincə, keçmiş dövlət katibinin kanalda işləməsi telekanalın nüfuzunu artıracaq.

Xanım Rays jurnalsitlərə müsahibəsində bildirib ki, o yaxın gələcəkdə idman müxbiri kimi də işləməyi planlaşdırır. Onun sözlərinə görə, uşaqlıqda ən böyük arzusu məhz idman müxbiri olmaq olub.

AzNews.az