13 dollara alınan üzük 847 min dollara satıldı

Böyük Britaniyanın “Sotheby's” hərracında 26 karatlıq brilliant ilkin qiymətindən dəfələrlə artıq məbləğə - 847 min dollara satılıb.

AzNews.az xarici mətbuata istinadən xəbər verir ki, brilliant daşlı üzüyün əvvəlki sahibi zinət əşyasını bir nəfərdən kostyum aksesuarı kimi satın alıb. O, üzüyə cəmi 13 dollar pul verib. Lakin uzun illər sonra sahibi onun əsl qiymətini öyrənməyə çalışdıqda çox təəccüblənib.

“Sotheby's” hərracından verilən məlumata görə, zinət əşyası 18-ci əsrə aiddir.

Bəxtiyar Abbasov

AzNews.az