Aİ Ukraynaya ayırdığı 90 milyard avroluq kreditdən 3,2 milyardlıq ilk tranşı verəcək

Aİ-nin 90 milyard avroluq kreditinin ilk 3,2 milyard avroluq hissəsi Ukraynaya 25 iyunda ödəniləcək.

AzNews.az "Report"-a istinadən xəbər verir ki, bu barədə Aİ-nin genişlənmə üzrə komissarı Marta Kos Polşanın Qdansk şəhərində keçirilən Ukraynanın Bərpa Konfransının (URC2026) açılışında bildirib.

"Sabah (bu gün-red) bu kreditin ilk 3,2 milyard avroluq hissəsini ödəyəcəyik", - deyə o, yay tətilinə qədər Aİ-nin 15 iyunda açılan birincisindən əlavə, Ukraynanın üzvlüyü üçün qalan beş danışıqlar klasterini aça biləcəyinə ümid etdiyini bildirib.

"Ukrayna Aİ üzvü olacaq və hamımız bunun üçün çalışmalıyıq", - M.Kos vurğulayıb.

O, həmçinin ümid etdiyini bildirib ki, bu 90 milyard avro Ukraynaya döyüş meydanında həqiqətən güclü olduğu müddətdə fürsət pəncərəsindən yararlanmağa kömək edəcək.

"Rusiya uyğunlaşmadan əvvəl bu altı aydan mümkün olan hər şəkildə istifadə etməliyik. Ukrayna Aİ-nin üzvü olmasa, Avropada təhlükəsiz şəraitdə ola bilmərik", - Kos yekunda bildirib.