- Köhnə - Dünya
- 3 Fevral 2018 21:20
- 9 606
Rus təyyarəsi vuruldu - Pilot öldürülüb (Yenilənib + Foto)

Rusiyanın "Su-25" təyyarəsi şənbə günü Suriyanın İdlib şəhərində vurulub, pilot katapult etsə də, terrorçularla mübarizə apararaq həlak olub.
AzNews.az bu barədə Rusiya Müdafiə Nazirliyinə istinadən məlumat verir. Təyyarənin “Cebxat an-Nusra” təşkilatının terrorçuları tərəfindən vurulduğu bldirilir. Rusiyanın Suriyadakı Müharibə Tərəflərinin Üzləşməsi Mərkəzi, İdlibin dağılma zonasından məsul olan Türkiyə nümayəndələri ilə birlikdə, Rus pilotunun meyitini qaytarmaq üçün tədbirlər görür.
İlkin məlumatlara görə təyyarə zenit raket sistemi ilə vurulub.
***
21:06
Suriya silahlı müxalifəti şənbə günü İdlib şəhəri yaxınlığında Rusiyanın hərbi təyyarəsini vurduğunu bəyan edib.
AzNews.az xəbər verir ki, Fransız agentliyinin məlumatına görə, İdlibin şimal-qərbində düşən Rusiya təyyarəsinin pilotu canlı olaraq ələ keçirilib. Hansı müxalifət qrupunun rus təyyarəsini vurduğu açıqlanmayıb.
Bölgədəki Heyət-i Tahrir-i Şam kimi Əl-Qaidə uzantısı qruplarının da aktiv olduğu deyilir.