Gözəllik müsabiqəsinə qatılan iştirakçı kişi çıxdı - Foto

Almatıda yaşayan Əli Diaqilev adlı gənc Qazaxıstanda "Miss Virtual Qazaxıstan" gözəllik müsabiqəsinə qatılıb.

AzNews.Az-ın dünya mətbuatına istinadən verdiyi məlumata görə, o, yarışmada finala qalınca kişi olduğunu etiraf edib.

Arina Əliyeva adı ilə müsabiqəyə makiyajlı və parikli fotoşəkillərini təqdim edən 22 yaşlı Diaqilev bütün mərhələləri adlayaraq finala keçib. Diaqilev imtahan verərək final mərhələsinə çatdıqda yarışma komitəsinə kişi olduğunu açıqlayıb. Yarışmadan qovulan gəncin yerinə başqa bir namizəd alınıb.

4 min namizəd arasından finala çıxan Diaqilev müsabiqəyə yoldaşları ilə gözəllik konsepsiyası barədə müzakirələr nəticəsində qoşulmağa qərar verdiyini söyləyib.