Donan göl havada asılı qaldı - Fotolar

Polşada soyuqdan donan gölün səthi, suyun çəkilməsindən sonra havada asılı qalıb.

AzNews.az-ın dünya mətbuatına istinadən verdiyi məlumata görə, son günlər Skandinaviya şaxtaları ilə mübarizə aparan Polşada bir göl qeyri-adi görüntülərə səbəb olub. Yağışlar səbəbilə su səviyyəsi artıb və göl yatağına sığmayaraq daşıb.

Göl daşandan sonra şaxtalı havada donub. Bir neçə gündən sonra gölün suyu çəkilib. Amma gölün səthi ağaclardan asılı qalıb. 20 santimetrlik buz təbəqəsinin havadan asılı qalması maraqlı görüntülərə yol açıb.