Güclü qar Çində nəqliyyat sistemini iflic etdi

Çinin şimalında güclü qarın yağması nəqliyyat sistemini iflic edib.

AzNews.az-ın dünya mətbuatına istinadən verdiyi məlumata görə, yerli vaxtla saat 17:30-dan (Bakı vaxtı ilə 13:30) sonra bütün avtomobil yolları bağlanıb. Həmçinin Çançun şəhərinin hava limanı da bağlanıb. Hava limanı rəhbərliyi gözləyən sərnişinlər üçün isti yemək və içkilər təşkil edib. Şəhərin küçələrində yolları tez təmizləmək üçün əlaqədar qurumlar səfərbər edilib.

Meteoroloqlar sakinlərə evdə qalmağa üstünlük vermələrini məsləhət görürlər.