Afrin bölgəsindəki ikinci ən böyük şəhər terrorçularından təmizlənib

Bu gün Türkiyə ordusu müxalif Azad Suriya Ordusu ilə birgə Suriyanın Afrin bölgəsində həyata keçirilən "Zeytun budağı" əməliyyatı nəticəsində Cinderes şəhəri PKK terror təşkilatının Suriya qolu PYD/YPG-dən təmizlənib.

APA-nın məlumatına görə, bu barədə bu gün "Anadolu" agentliyi məlumat yayıb.

Cinderes rayon mərkəzi olan bu şəhər Afrin bölgəsində ikinci ən böyük şəhərdir.

Qeyd edək ki, bu il yanvarın 20-də Türkiyə ordusu müxalif Azad Suriya Ordusu ilə birgə Suriyanın Afrin bölgəsində həyata keçirilən "Zeytun budağı" əməliyyatına başlayıb.