Tramp məşhur mahnının sözlərini unutdu - Video

ABŞ prezidenti Donald Tramp ilə Milli Futbol Liqasının qalibi olan "Filadelfiya İqlz" komandasının üzvləri arasında keçirilməli olan görüşün əvəzinə təşkil edilən Ağ evdəki vətənpərvərlik tədbirində dövlət başçısı "Allah, Amerikanı qoru!" milli mahnısının sözlərini unudub.

"Report" xəbər verir ki, hərbi xor qarşısında duran prezident mahnının sözlərinin ilk sətirini oxumağa başlasa da, onu başa çatdırmayıb. D.Tramp ağzıbağlı vəziyyətdə başını yelləyərək yalnız "God Bless America" (Allah, Amerikanı qoru!) ifadələrini səsləndirib.

"Ölkəmizi sevirik. Bayrağımıza hörmət edirik və həmişə himnimizi ifa edərkən dik dururuq", - prezident xorun mahnını başa çatdırmasından sonra bildirib.

AzNews.az