İsrailin baş nazirini korrupsiyaya görə dindirdilər

İsrail baş naziri Binyəmin Netanyahu Almaniyadan sualtı qayıqların alınmasında yol verilən korrupsiya halları ilə bağlı istintaq çərçivəsində ilk dəfə olaraq polis tərəfindən dindirilib.

Oxu.Az xəbər verir ki, bu haqda İsrail mətbuatı məlumat yayıb.

İsrailin hökumət başçısının adı “3000 saylı iş” üzrə bilavasitə fiqurant kimi hallanmasa da , onun Almaniyanın gəmiqayırma şirkətləri ilə əlaqələri olan şəxsi vəkilli David Şimronun adı şübhəlilərin siyahısındadır.

Netanyahu vəkilinin Almaniyanın sənaye şirkətləri ilə əlaqələrinin olmasından bixəbər olduğunu bildirib. Onun sözlərinə görə, “Delfin” tipli üç sualtı-qayığın alınması ilə bağlı qərarı tam şəffaf olub və heç bir şəxsi səviyyədə olan münasibətlər bu qərarın qəbul olunmasına təsir etməyib.

Qeyd edək ki, İsrail baş nazirinin adı bundan başqa “1000 saylı” cinayət işində hallanır. Həmin istintaqa görə Netanyahu işgüzar dairələrdən ümumilikdə 300 min dollar məbləğdə hədiyyələr qəbul etməklə şübhəli bilinir.

AzNews.az