Biz İtaliyanı dəstəkləyirik - Merkel

Almaniya kansleri Angela Merkelin mətbuat katibi Şteffen Zayberq Aralıq dənizində miqrasiya böhranının həllində Berlinin Romanı dəstəkləmək niyyətində olduğunu bildirib.

AZƏRTAC xəbər verir ki, Almaniya kanslerinin mətbuat katibinin sözlərinə görə, İtaliya xüsusən coğrafi mövqeyinə görə xeyli sayda qaçqın və miqrant çoxluğundan əziyyət çəkir. “Heç bir ölkə bu məsələdə təkbaşına qalmamalıdır. Buna görə biz İtaliyanı dəstəkləyirik və onu Avropanın ümumi probleminin həlli prosesində mühüm tərəfdaş kimi qəbul edirik”, – deyə Şteffen Zayberq qeyd edib.

AzNews.az