Tailandda qayıqların batması nəticəsində 18 turist həlak oldu

Tailand sahilində iki qayığın batması nəticəsində 18 turist həlak olub.

AZƏRTAC xarici KİV-lərə istinadla xəbər verir ki, həlak olanların cəsədləri suyun üzərində aşkarlanıb. Təxminən 40-dan çox turist itkin hesab edilib. Qayıqlarda ümumilikdə 130 turist olub. Axtarış xilasetmə işləri davam edir.

Xatırladaq ki, dünən Tailandın Phuket adası sahilində fırtına nəticəsində turist daşıyan qayıqların ikisi aşıb.

Dalğanın hündürlüyünün 5 metrə çatdığı qeyd edilib.

AzNews.az