- Köhnə - Dünya
- 23 İyul 2018 11:37
- 3 158
Gürcüstanda etiraz aksiyası keçirilir
A |
A |
A
Gürcüstanın Tkibuli şəhərinin mərkəzində etiraz aksiyası keçirilir.
APA-nın yerli bürosunun məlumatına görə, kömür mədənlərində işləyən fəhlələr mədənlərdə mövcud vəziyyətə etiraz edirlər.
Aksiya iştirakçıları “Gürcüstan kömürü” şirkətinin rəhbərliyinin dərhal işdən azad olunmasını, baş nazirlə görüş keçirilməsi və mədənlərdə təhlükəsizlik normalarının gücləndirilməsini tələb edirlər. Aksiyaya sıravi vətəndaşların da qoşulacağı gözlənilir.
Qeyd edək ki, Tkibulidə yerləşən Mindeli mədənində iyulun 16-da baş vermiş qəza nəticəsində 4 fəhlə ölüb, 6-sı isə xəsarət alıb. Hadisə ilə əlaqədar Tkibuli şəhərindəki mədənlər müvəqqəti bağlanıb. Mindeli mədənində bu ilin aprelində də qəza olub və nəticədə 6 fəhlə ölüb.
DİGƏR XƏBƏRLƏR
