Makkeynin Senatdakı yerini xanımı tuta bilər

Arizona ştatının qubernatoru Daq Dyusi xərçəng xəstəliyindən dünyasını dəyişən senator Con Makkeynin yerinə onun arvadı Sindi Makkeyni təyin edə bilər.

AzNews.az “Qafqazinfo”ya istinadən xəbər verir ki, bu barədə The New York Times Respublikaçılar Partiyasındakı mənbəsinə istinadən məlumat yayıb.

Nəşrin yazdığına görə, Dyusi xanım Makkeyni bütün matəm mərasimləri başa çatdıqdan, təxminən bir həftə sonra təyin etməyə hazırlaşır.

Dyusi tərəfindən təyin edilən namizəd senator postunda 2020-ci ilə kimi qalacaq. Onun seçimi Senatda Demokratlardan cəmi 1 səs çox olan (50 səs) Respublikaçılar üçün böyük əhəmiyyət daşıyacaq.

Qeyd edək ki, Makkeyn Arizona ştatından Konqresin yuxarı palatasına 1986-cı ildə seçilib. O, avqustun 25-i 81 yaşında dünyasını dəyişib.

AzNews.az