Nigeriyada dəhşət - 11 nəfər öldürüldü

Nigeriyanın Zamfara əyalətində açıq havada film təqdimatına getmək üçün toplaşan insanlar atəşə tutulublar.

“Qafqazinfo” “Anadolu” agentliyinə istinadən xəbər verir ki, hücum nəticəsində 11 nəfər ölüb, 20 nəfər isə yaralanıb.

Hücumun kimlər tərəfindən və hansı səbəbdən törədildiyi məlum deyil.

Qeyd edək ki, bu il Zamfara vilayətində 400-ə yaxın insan silahlı hücumlarda ölüb. Minlərlə insan isə evlərini tərk etmək məcburiyyətində qalıblar.

AzNews.az