Döyüşlərdə 50-dən çox adam ölüb

Suriyanın cənubunda, Deraa şəhəri yaxınlığında şiddətli döyüşlər başlanıb. APA-nın "BBC"yə istinadən verdiyi xəbərə görə, hüquq müdafiəçilərin hesablamalarına əsasən, döyüşlərdə altısı uşaq olmaqla, ən azı 57 nəfər ölüb.

Yerli fəallar qeyd edir ki, Suriya ordusunun hücuma keçməsi ötən gün Deraa şəhərində hökumət qüvvələrinin bir hissəsinin müxalifət düşərgəsinə keçməsindən sonra baş verib.

Qeyd edək ki, məhz bu vilayətdə iki il əvvəl prezident Bəşər Əsədə qarşı üsyan başlamışdı və bu region Suriya müxalifəti üçün strateji əhəmiyyət daşıyır.

Human Rights Watch təşkilatı ötən gün Suriya hökumətini mülki əhaliyə qarşı planlaşdırılmış zərbələr endirməkdə ittiham edib. Təşkilatın məruzəsində bu zərbələr hərbi cinayət adlandırılıb.

AzNews.az