Obama Mursini müdafiə etdi

ABŞ prezidenti Barak Obama Misir prezidenti Məhəmməd Mursinin vəzifədən uzaqlaşdırılmasından narahat olduğunu bəyan edib.

APA-nın məlumatına görə, Obama Misirin tezliklə demokratik idarəetmə formasına qayıdacağına ümidvar olduğunu bildirib.

ABŞ prezidenti Misir ordusunu Mursi tərəfdarlarını həbs etməkdən çəkinməyə çağırıb və insan haqlarına hörmətlə yanaşılmasının vacibliyini vurğulayıb. O, xüsusi xidmət orqanlarına Mursinin hakimiyyətdən gedişinin ABŞ siyasətinə mümkün təsirini araşdırmaq üçün dəyərləndirmə hazırlamağı tapşırıb.

AzNews.az