Küçə itləri qızı seksual manyakın əlindən xilas etdi

Argentinada küçə itləri seksual manyakın əlinə düşmüş 12 yaşlı qızı xilas ediblər.

Publika.az-ın məlumatına görə, xalasıgilə gedən 12 yaşlı qıza manyak hücum edib.

O, uşağın ağzını əli ilə bağlayaraq xəlvəti yerə çəkməyə çalışıb. Lakin uşağın boğulmuş qışqırıqlarına evsiz itlər cumublar. Onlar manyakın üstünə hücum çəkiblər və onu dişləməyə başlayıblar.

Manyak isə uşağı buraxaraq qaçıb. Uşaq yaxınlıqdakı evlərdən birinə qaçıb. Ev sahibi polisə zəng etsə də manyakı tapmaq mümkün olmayıb. Yerli hakimiyyət uşağı xilas edən itləri də axtarıb. Lakin onları da tapmaq mümkün olmayıb.

AzNews.az