49 yaşlı kişi hirslənib anasını eyvandan atdı

İstanbulun Küçükçekmece səmtindəki Gültepe məhəlləsində, Bilgə küçəsində dünən saat 21 radələrində qorxunc hadisə yaşanıb.

Milli.Az DHA-ya istinadən bildirir ki, 49 yaşlı Coşkun Kalkan 84 yaşlı anası Makbule Güneşleri 5-ci mərtəbədəki mənzilin eyvanından aşağı atıb.

Qadın yerə dəyərək həlak olub.

Hadisə yerinə çağırılmış polis C.Kalkanı həbs edib.

Polisdə verdiyi ifadəsində ana qatili deyib: "Evdə oturmuşdum, qulağıma qəribə səslər gəldi. Səslər deyirdilər: "Anan səni aldadır, yalan danışır. Qardaş və bacıların doğma deyil, ögeydirlər. Mən də sinirləndim, anamı eyvandan atdım".

AzNews.az