Suriyalı terror qruplaşmasından ŞOK TƏHDİD

"Biz "Cenevrə-2" danışıqlarının nəticəsini qəbul etmək niyyətində deyilik".

AzNews.az xarici mətbuata istinadən verdiyi məlumata görə, bunu Suriyada yaradılan və "Əl Qaidə"nin bu ölkədəki bölməsi kimi fəaliyyət gösətərən "Cəbxat Ən-Nursa" (Qələbə Cəbhəsi) təşkilatının əmiri Əbu Məhəmməd Əl-Cəvlani Qətərin "Əl-Cəzirə" kanalına verdiyi müsahibəsində bildirib. O ilk müsahibəsində bildirib ki, aktiv hərbi əməliyyatlar demək olar ki, bitib: "Biz yolun 70 faizini gəlmişik. Çox az qalıb. Biz inanırıq ki, tezliklə qələbəyə çatacağıq".

Əl-Cəvlani vurğulayıb ki, "Cəbxat Ən-Nursa" hər hansı bir siyasi konfransda iştirak etməyi rədd edir: "Yanvarda keçiriləcək həmin Cenevrə konfransının qərarını qəbul etməyəcəyik. Çünki burada beynəlxalq kafirlər toplaşaraq, Suriyanın taleyini həll edəcəklər".

Müsahibə zamanı üzünün göstərilməməsini istəyən Əl-Cəvlani onlar Suriyada İslam dövlətinin qurulmasını istəyirlər: "Onlar yalnız Suriyanı idarə etmək istəmirlər.



"ABŞ-la İran arasındakı əlaqələr isə sünni quruluşlar üçün təhlükədir. İranın Səfəvi-şiə hökmranlığının tarixi uzaq deyil. Bu gün İranla Amerika arasında da tərəfdaşlıq yaranır.

Bəşər Əsəd rejimi davam edərsə və şiələr güclənərsə, bundan sonra əsas hədəf obyekti Səudiyyə Ərəbistan olacaq. Əgər güc şiələrin əlinə keçərsə, bu zaman bölgənin əsas idarəçiliyi İranın müttəfiqlərinin əlində olacaq. Nə biz, nə də Suriyanın sadə insanları "Cenevrə-2" danışıqlarının nəticəsini tanımırıq. Həmin konfransda iştirak edənlərin özləri nə qədər qan töküblər. Bundan başqa onlara kim xalqın adından çıxış etmək imkanı verdi? Biz imkan verməyəcəyik ki, bu danışıqlarla xalq aldadılsın".

AzNews.az