Müdafiə naziri hərbi əməliyyat sözü verdi

ABŞ silahli qüvvələri ölkəyə kiberhücüm təhlükəsi barədə məlumat aldığı an hərbi zərbələr endirəcək. "Reuters"in məlumatına görə, bu barədə müdafiə naziri Leon Panetta bildirib.

Nyu-Yorkda biznes nümayəndələri ilə görüş zamanı nazir kimya sənayesinə, elektrik enerjisi və su təminatı həyata keçirən paylayıcı qurğulara hücumlara hazırlaşan qüvvələrin olduğunu vurğulayıb.

Panetta bildirib ki, xaricdəki bu qüvvələrin məqsədi cəmiyyətdə narahatlıq yaratmaq və insanların ölümüdür. Panetta ABŞ-ın gözlənilən hücumlara qarşı hansı vasitələrlə zərbə endiriləcəyinin detalları barədə danışmayıb.

Alpər
AzNews.az