Ronaldo koronavirusdan sağalıb

O, koronavirus səbəbindən bir neçə oyunda meydana çıxa bilməyib

Portuqaliya millisinin və İtaliya “Yuventus”unun futbolçusu Kriştiano Ronaldo koronovirusdan sağalıb.

AzNews.az "Apasport"a istinadən xəbər verir ki, bir müddət infeksiyadan əziyyət çəkən hücumçunun testi mənfi nəticələnib.

Üzücü karantini başa vuran Ronaldo artıq “Yuventus”un məşqlərinə qatıla biləcək. O, koronavirus səbəbindən bir neçə oyunda, o cümlədən “Barselona” ilə Çempionlar Liqasının matçında (0:2) meydana çıxa bilməyib.