Əliyevlə Ərdoğan yenə diqqət mərkəzində - Qucaqlaşaraq salamlaşdılar (Fotolar)

Xəbər verdiyimiz kimi, bu gün İstanbulda İslam Əməkdaşlıq Təşkilatının XIII zirvə toplantısı keçirilir.

AzNews.az xəbər verir ki, sammitə 30-dan çox ölkənin lideri qatılıb. Onlar arasında Azərbaycan prezidenti İlham Əliyev, Səudiyyə Ərəbistanının kralı Səlman ibn Abdulaziz Əl-Suud, İran prezidenti Həsən Ruhani, Qətər əmiri Təmim Bin Hamad Al Sani də var.

Liderlər zirvə toplantısına qatılmaq üçün səhər saatlarından etibarən İstanbul Konqres Mərkəzinə gəlib.

Ərdoğan iştirakçıları şəxsən qarşılayıb. Türkiyə prezidenti liderlərlə tək-tək salamlaşaraq qısa müddət ərzində söhbət də edib.

Lakin Ərdoğanın İlham Əliyevlə qucaqlaşaraq salamlaşması diqqət çəkib.