Qadının cəsədi 3 gündən sonra tapıldı- Ucarda

Ucarda evdən qadın meyiti tapılıb. APA–nın yerli bürosunun məlumatına görə, Ucar şəhər sakini, Heydər Əliyev prospekti 89 ünvanında yaşayan 79 yaşlı Əhmədova Sara Həsən qızının meyidi bu gün günorta saatlarında öz yaşadığı evində aşkarlanıb.

Məhkəmə Tibbi Ekspertiza və Patoloji Anatomiya birliyinin Ucar rayon şöbəsinin rəisi Rauf İsmayılovun APA–ya verdiyi məlumata görə, mərhum evdə tək yaşayıb, təxminən 3 gün bundan qabaq öz evində dünyasını dəyişib və qonşuların məlumatından sonra öz evində aşkarlanıb.

Üzərində heç bir zorakılıq əlaməti müşahidə olunmayıb.
Faktla bağlı Ucar rayon Prokurorluğunda araşdırma aparılır.

AzNews.az