Bakıda 3 avtomobil toqquşub

Bakıda zəncirvari qəza baş verib. Yasamal Rayon Polis İdarəsindən APA-ya verilən məlumata görə, hadisə rayonun Şərifzadə küçəsində qeydə alınıb

1989-cu il təvəllüdlü Sadiq Natiq oğlu Quliyevin idarə etdiyi "90-BH-218" dövlət nömrə nişanlı "Daewo Nexia" markalı avtomobil, Sabirabad rayonunun Ulacalı kənd sakini Üzeyir Dostəliyevin idarə etdiyi "90-VF-695" dövlət nömrə nişanlı "VAZ 21-172" markalı avtomobil və 1987-ci il təvəllüdlü Elşən Sabir oğlu Hüseynovun idarə etdiyi "99-BC-967" dövlət nömrəli "VAZ 21-015" avtomobil toqquşublar. Nəticədə "VAZ 21-015" də olan sürücü və sərnişinləri - Astara rayon sakini, 1988-ci il təvəllüdlü Məmmədov Cavad Fərahim oğlu və Elşən Hüseynov xəsarət alıblar.

Faktla bağlı araşdırma aparılır.

AzNews.az