Xırdalanda ticarət obyekti yandı – 1 nəfər xəsarət aldı

Abşeron rayonunun Xırdalan şəhərində vətandaşlara məxsus bir dam alında tikilmiş birmərtəbəli, mansard tipli, ümumi sahəsi 100 kv.m olan ticarət obyektində yanğın olub.

AzNews.az FHN-in saytına istinadən xəbər verir ki, sahəsi 70 kv.m olan kafenin mətbəxinin yanar konstruksiyaları 25 kv.m sahədə, ümumi sahəsi 30 kv.m olan plastik qapı-pəncərə sexinin yanar konstruksiyaları, sahibi məlum olmayan ümumi sahəsi 30 kv.m olan ev alqı-satqısı ofisinin tavanı 6 kv.m sahədə və ümumi binanın mansardı 100 kv.m sahədə yanıb.

Yanğın zamanı 1 nəfər yanıq xəsarəti alıb.

Ticarət obyektinin qalan hissəsi yanğından mühafizə olunub.

Yanğın yanğınsöndürənlər tərəfindən söndürülüb.