- Köhnə - İdman
- 20 Fevral 2013 13:27
- 3 520
Yığmamız Dünya Kubokunda 7-ci yeri tutub
Azərbaycan yığması İranın paytaxtı Tehranda keçirilən yunan-Roma güləşi üzrə Dünya Kubokunda çıxışını başa vurub. Apasport.az saytının məlumatına görə, millimiz yarışı 7-ci yerdə tamamlayıb.
Turnirin ilk günündə Macarıstana qalib gəlib (7:0), Türkiyə (3:4) və İran (2:5) uduzan komandamız qrup mərhələsinin son qarşılaşmasında Qazaxıstanla qarşılaşıb.
Yığmamız üçün təsəlli xarakteri daşıyan qarşılaşma komandamızın 2:5 hesablı məğlubiyyəti ilə başa çatıb. Nəticədə güləşçilərimiz qrupda 4-cü yeri tutublar və reqlamentə əsasən A qrupunda onlarla eyni mövqedə qərarlaşan Belarusla üz-üzə gəliblər. Görüş isə yığmamızın 6:1 hesablı qələbəsi ilə başa çatıb.
AzNews.az