“Bütün strateji obyektlərə elektrik enerjisinin verilişi bərpa olunub” - Nazir

Azərbaycanda bütün strateji əhəmiyyətli obyektlərə elektrik enerjisinin verilişi bərpa olunub.

Bunu APA-ya açıqlamasında Azərbaycanın Energetika naziri Pərviz Şahbazov bildirib.

“Elektrik enerjisi olmayan yerlərdə də yaxın saatlarda problem aradan qalxacaq”, deyə nazir qeyd edib.

P. Şahbazov əlavə edib ki, hazırda elektrik kəsintisi ilə bağlı problemin aradan qaldırılması üzrə işlər davam etdirilir və yaxın saatlarda bütün ölkə ərazisində elektrik enerjisi ilə təminat tam bərpa olunacaq.

AzNews.az