Azərbaycanlı azərbaycanlını güllələdi – Rusiyada

Rusiyada Azərbaycan vətəndaşı öz həmyerlisini güllələyib.

AzNews.az xəbər verir ki, bu haqda məlumat "fapnews" saytında yer alıb.

Məlumata görə, hadisə Yujno-Saxalinsk şəhərinin mərkəzində qeydə alınıb.

30 yaşlı Azərbaycan vətəndaşı 27 yaşlı həmyerlisinin olduğu avtomobilə atəş açıb.
Bu faktı vilayət İstintaq İdarəsinin mətbuat xidməti təsdiq edib.

İnsident Lenin küçəsində yerləşən bankın önündə baş verib. Yaralı azərbaycanlı təcili olaraq xəstəxanaya aparılıb. Onun ayağından yaralandığı müəyyənləşib.

Hazırda polislər atəş açan şəxsin axtarışına başlayıb.