Saqqız təmizləyənə 30 min dollar veriləcək – Krallıqda

İngiltərə Krallığının rəsmi internet səhifəsində çox maraqlı elan yerləşdirilib.

AzNews.az xəbər verir ki, krallığın sarayına ərazidə olan saqqızları və onun ləkələrini təmizləmək üçün peşəkar işçi tələb olunur. İşçiyə 30 min ABŞ dolları təklif olunub. Tələb olunan işçi sarayın həyəti ilə yanaşı, kraliçanın otağında təmizlik işləri aparmalıdır.

Krallığın rəsmi internet səhifəsinin yaydığı xəbərdə bildirilib ki, son zamanlar sarayı ziyarətə gələn insanlar sarayın ərazisini daha çox çirkləndiriblər, məhz bu amil ərazidə təmizlik işləri aparmağa zərurət yaradıb.


Xəyal Əzizov
AzNews.az