Ermənilərdən Cənubi Azərbaycana torpaq iddiası

İranda 4-cü əsrə aid olduğu bildirilən erməni kilsəsi təmir edilir. Kilsə bu il avqustun 12-də Şərqi Azərbaycanda baş verən zəlzələdə ziyan görüb.

Özünü erməni apastol kisəsinin Atrpatakan Yeparxiasının sədri adlandıran Qriqor Çifçiyanın məlumatına görə, kilsənin təmiri İran Tarıxı Abidələri Qoruma İdarəsi tərəfindən həyata keçirilir.

Yeparxiya Təbrizdən 50 km məsafədə Miyəmbər kəndi yaxınlığındakı kilsənin vaxtilə həmin ərazidəki erməni kəndlərinin ibadət yeri olduğunu iddia edir.

Yeparxiya həmin ərazidə onlarla erməni kəndinin olduğunu iddia edərək, həmin kəndlərin sakinlərinin 1946-ci ildə SSRİ-yə köçürüldüyünü və bundan sonra kilsənin dağıldığını bildirib.

Elnarə Əlosmanqızı
AzNews.az