Nazir sözçüsü Ermənistana gedəcək

İran Xarici İşlər Nazirliyinin sözçüsü Ramin Mehmanpərəst Ermənistana səfər edəcək.

APA-nın məlumatına görə, səfərdə məqsəd İran və Ermənistan Xarici İşlər nazirlikləri arasında əməkdaşlığın inkişaf etdirilməsi yollarının müzakirə edilməsidir.

Səfər çərçivəsində R. Mehmanpərəst Ermənistanın bir sıra rəsmiləri ilə görüşlər keçirəcək. Hazırda Belarusda olan İran XİN sözçüsü bu ölkəyə səfərini tamamladıqdan sonra Ermənistana yola düşəcək.

Qeyd edək ki, R. Mehmanpərəst bundan əvvəl Türkiyə, Çin, Pakistan və Omanda da səfərdə olub.

AzNews.az