Azərbaycanlı “qanuni oğru” saxlanıldı - VİDEO

Ukraynada azərbaycanlı "qanuni oğru", "Vaxa" ləqəbli Baxış Əliyev Ukraynada saxlanılıb.

Rusiya mətbuatının məlumatına görə, 38 yaşlı B. Əliyev aprelin 25-də Ukrayna paytaxtı Kiyevdə Ukraynanın hüquq-mühafizə orqanları əməkdaşları saxlayıb. "Vaxa" nın yanında onu mühafizə edən daha beş azərbaycanlı olub.

"Vaxa" bundan əvvəl də bir neçə dəfə Ukraynadan deportasiya olunub və bu ölkəyə gəlişi qanunsuz olub. Sonuncu dəfə onu Kiyevin Qoloseevski məhkəməsinin qərarı ilə ölkədən deportasiya ediblər. Qərara görə, yaxın 3 ildə onun Ukraynaya gəlməsi qadağan edilib.

Ukrayna hüquq-mühafizə orqanları "Vaxa" nı və onun digər beş azərbaycanlını da Türkiyənin Antaliya şəhərinə deportasiya edib.

Elnur
AzNews.az