3 nəfər əhalinin gözü qarşısında edam edildi

İranın Kirmanşah vilayətində 3 nəfər edam edilib. APA-nın "Fars" xəbər agentliyinə istinadən məlumatına görə, məhbuslar qətldə və təcavüzdə günahlandırılaraq dara çəkiliblər.

Məhbusların ad və soyadları açıqlanmayıb. Onlar barəsində aşağı instansiya məhkəməsinin çıxardığı ölüm hökmü İran Ali Məhkəməsi tərəfindən təsdiqləndikdən sonra mayın 6-da səhər saatlarında Kirmanşah şəhərinin "Azadlıq" meydanında əhalinin gözü qarşısında icra edilib.

Qeyd edək ki, "Amnesty İnternational" təşkilatının (Beynəlxalq Əfv Təşkilatı) yaydığı hesabatda İranda 2012-ci ildə 314 nəfərin edam edildiyi bildirilir. Ancaq İran insan haqları təşkilatları edamların sayına görə Çindən sonra ikinci pillədə qərarlaşmış bu ölkədə 2012-ci ildə 580 nəfərin dara çəkildiyini açıqlayıblar.

Xatırladaq ki, ötən həftə rəsmi və qeyri-rəsmi məlumatlara görə, 4 nəfər Əraq şəhərində, 1 nəfər isə Zahidan şəhərində edam edilib.

AzNews.az