İran mətbuatı antiAzərbaycan kampaniyasına başladı İran mətbuatı antiAzərbaycan kampaniyasına başladı

Azərbaycan Xamneyinin nümayəndəsinə viza vermədi

İran mətbuatı antiAzərbaycan kampaniyasına başladı




Azərbaycan İranın ali dini rəhbərinin ölkəmizdəki nümayəndəsinin müavininə viza verilməyib.

Bu barədə məlumatı İranın "Arannews" saytı yayıb. Məlumata görə, Azərbaycan İranın ali dini rəhbərinin nümayəndəsi Höccətülislam Ocaqnejadın müavini olan Höccətülislam Ərdəbiliyə viza verməkdən imtina edib.

İran xarici İşlər Nazirliyinin sozçüsü Abbas İraqi xəbəri təsdiqləyərək hazırda məsələ ilə bağlı Azərbaycanın Xarici İşlər Nazirliyinin rəsmiləri ilə müzakirələr aparıldığını bildirib:

"Biz vizanın verilməməsində Azərbaycan Respublikası hökumətinin mənfi niyyəti və iradəsinin olmasını müşahidə etmirik. Bu məsələlər, texniki məsələlərdir. Höccətülislam Ərdəbili İslam İnqilabının Böyük Rəhbərinin Bakıdakı nümayəndəsinin müavinidir. Vizasının müddəti sona çatdığından ölkəyə geri dönüb".

Saytda həmçinin bildirilib ki, Azərbaycan tərəfi Xalidə Xalid və sürücüsünün azad edilməsinin qarşılığında bir müddət əvvəl ölkəmizdə həbs edilən Mikayıl Kazıminin 3 il 5 ay azadlıqdan məhrum edildiyini də vurğulayıb:

"Azərbaycan dövlətinin İranın dost hərəkətinə cavabı bu oldu. İran vətəndaşı 3.5 il həbsə məhkum edildi. Azərbaycanın yaxşı qonşuluq münasibətlərinə uyğun olmayan bu hərəkəti elə bir şəraitdə baş verdi ki, Təbrizdə həbs edilmiş Azərbaycan vətəndaşı Xalidə Xalid azad edildi."

Elnur
AzNews.az