Avtobus aşdı -3 ölü, 13 yaralı

Antalyadan gələn faciə xəbərlərinin ardı-arası kəsilmir.

Dünən səhər saatlarında fəhlələri aparan mikroavtobusun gölə diyirlənməsi nəticəsində baş verən qəzada 8 adam ölüb, 5 adam yaralanmışdı.

Qorxunc qəzadan sonra axşam saatlarında Antalya 6 bal gücündə zəlzələ ilə silkələnib. Yaşananlar bununla da bitməyib.

"Axar.az" Türkiyə mətbuatına istinadən xəbər verir ki, gecə saatlarında Antalyadan bir faciə xəbəri də gəlib. Antalya-Burdur yolunda Döşəməaltı mahalında bir firmadan işdən çıxan fəhlələri aparan Faruk Ağoğlu adlı sürücünün 07 DDZ 39 nömrəli servis midi-avtobusunu aşırması nəticəsində baş verib. Fəhlələri aparan midi-avtobus sürücünün sükana nəzarətini itirməsi nəticəsində su kanalına düşüb. Qəzada 3 adam ölüb 13 adam yaralanıb.


AzNews.az