Ailəsində problem yaranan azərbaycanlı aktrisa vətənə döndü - Foto

Türkiyəyə gəlin köçən aktrisa Cəmilə Tağızadə yenidən Bakıya gəlib.

AzNews.az xəbər verir ki, o, özü bu haqda Milli.Az-a danışıb:

"Bir neçə gündür ki, Bakıya, doğma vətənimə gəlmişəm. Təsəvvür etməzsiniz ki, Bakı üçün necə darıxmışdım. Gəldiyim gündən ancaq gəzirəm, dostlarım, tanışlarım, qohumlarım məni evlərinə qonaq dəvət edir. Yoldaşımdan müvəqqəti uzaq düşmüşəm, çünki o, işləri ilə bağlı gələ bilmədi. Allah onu heç vaxt məndən uzaq salmasın. İnşallah, bu dəfə onu da Bakıya gətirəcəyəm. Bir neçə gün, hələ ki, Bakıdayam. Anamın dadlı yeməklərindən yeyib, ona sarılıb yatıram".

Qeyd edək ki, aktrisanın ailəsində bir müddət əvvəl problem yaranmışdı. Belə ki, ərinin keçmiş arvadı illər sonra üzə çıxaraq onu şantaj etməyə başlamışdı. Aktrisa da, öz növbəsində, məhkəməyə müraciət edəcəyini bildirmişdi.